Cotobade conserva numerosos restos prehistóricos, como mámoas, castros e petroglifos. Os máis destacados -ademáis dos de Fentans- son os complexos rupestres localizados na parroquia de Viascón onde se atopan os gravados rupestres de Pedra do Lombo da Costa, Laxe do Cuco e a roca de Portela da Laxe.
Portela da Laxe
Parte dos Petróglifos de Portela da Laxe foron destruídos no último cuarto do século XX como consecuencia das obras de ampliación da estrada que une Pontevedra e Ourense. Dos seis conxuntos que había quedan dous. A rocha principal está situada na parroquia de Viascón a menos de metros do quilometro 15 da estrada N-541. Trátase dunha gran rocha a rentes do chan que mide 7,80 m. de longo por 2,80 m. de ancho. Nela destacan os gravados con combinacións circulares, cadrados recheos de puntos, paletas e unha interesante cruz esvástica no punto medio da metade esquerda.
O outro grupo da estación son dúas rochas que presentan combinacións circulares. Unha é alongada e de 6 m de longo por 1,60 m. de ancho e a outra é mais pequena 2,50 por 1,70 metros, aproximadamente.
Lng:-8.543560
Laxe das Rodas do Lombo da Costa
Tamén en Viascón subindo 400 metros dende N-541 por unha empinada pista forestal, encontramos a Pedra do Lombo da Costa. Nesta rocha destaca a combinación de grandes círculos con pequenas figuras zoomorfas. Estas últimas aprécianse ben só con luz solar rasante, xa que soamente con esta luz percibimos as figuras co gravado máis suave.
