skip to Main Content

Ponte Caldelas

Ponte Caldelas é engaiolante. Ten unha vila con encanto, arte rupestre, xente amable, e unhas empanadas de vicio… Pero o que de verdade sorprende deste concello é a contorna do río Verdugo e a súa maravillosa praia fluvial, A Calzada, á única praia con bandeira azul de España.

Pontecaldelas 1

De Ponte Caldelas a beleza natural da paisaxe, e sobre todo as ribeiras do Río Verdugo que atravesa o municipio cun tupido arbolado autóctono nas súas marxes, e que ao seu paso pola vila se remansa nunha paisaxe idílica de paseo fluvial con pontes de madeira. A fermosura dos recursos fluviais do Verdugo non se cinguen a vila, xa que que ao longo do río hai distintos lugares especialmente agradecidos como son os Pasos da Fraga e o Paseo que leva Praia fluvial da Calzada, moi concorrida por bañistas e visitantes no verán.

Tamén é destacable tanto a presenza de bosques autóctonos como a Carballeira de Caritel, e excelentes miradores, como o Mirador do Casteliño, ao pe da Capela do Sagrado Corazón, ou as vistas que permiten os montes de Pe da Múa, ou os altos da Serra da Castrelada.

Pontecaldelas 5

No tocante ao patrimonio, Ponte Caldelas ten algunas igrexas realmente relevantes como a románica de Santa María de Tourón, ou as barrocas  de Santa Baia, que é inicio dun viacrucis que remata no Sagrado Corazón. E a Igrexa de San Martiño de Xustáns, do século XVII. Non obstante, o seu patrimonio máis relevante é rupestre, representado tanto pola Área Arqueolóxica de Tourón, un dos conxuntos de petroglifos máis importantes de Galicia, que é posuidor dun centro de interpretación, como pola existencia doutras estacións rupestres relevantes, habilitadas para a visita como acontece coa estación de Campo de Cuñas, onde se atopa a espectacular “Pedra do Cervo“.

Pontecaldelas 4
Pontecaldelas 3
Pontecaldelas 2
Back To Top