Mancomunidade de Terras de Pontevedra

  • terras de pontevedra 0000 arte rupestre
  • terras de pontevedra 0004 combarro
  • terras de pontevedra 0003 pontevedra casco vello
  • terras de pontevedra 0006 Capa 1
  • Sabías que Terras de Pontevedra presenta unha das concentracións de arte rupestre máis importantes de Europa? Descobre a arte dos que hai 5.000 anos habitaban estas terras de Campolameiro, a ponte Caldelas. E tras os petroglifos probarás unha das mellores empanadas de Galicia.
  • Propoñémosche percorrer as empedradas rúas de Combarro, xantar na beira do mar e despois visitar en Poio un dos Mosteiros máis emblemáticos de Galicia.
  • Descobre porqué Pontevedra e "boa vila", cidade de pedra e pontes. Percorre os seus museos, as súa prazas, as súas igrexas, a súa historia. Goza dunha experiencia gastronómica única sen saír da cidade.
  • Das espectaculares praias de Marín ao impresionante Mosteiro de Poio. Podes ir de lado a lado da Ría visitando a casa natal de Colón e dar conta dun xantar típico galego.

LIC Enseada de San Simón

lic san simon

Declarado como Lugar de Importancia Comunitaria en 2001, a Enseada de San Simón localízase no fondo da ría de Vigo, na desembocadura do río Verdugo. A este marabilloso paraxe natural pertencen os municipios de Vilaboa e, en menor medida, Pontevedra.


Malia á súa pequena superficie (2.252 hectáreas) representa un gran valor ecolóxico, ao constituír un espazo intermareal con características ben específicas. As chairas areosas que quedan ao descuberto cando baixa a marea deixan á vista unha paisaxe sen igual onde as algas dan lugar a verdadeiras praderías que dotan ao espazo dun gran valor ecolóxico.

Estas peculiares características son as que permiten o crecemento de mariscos bivalvos de diversa índole, entre os que destacan as ostras de renome de Arcade, que se poden degustar nos restaurantes situados a pé de praia.

Tamén importante é a poboación invernante de 3.500 anátidos, así como a presenza de aves limícolas durante os pasos migratorios.

Digna de mención é a Illa de San Simón, espazo insular composto por dúas illas unidas por unha ponte (a de San Simón e a de Santo Antonio, máis pequena). Precisamente este espazo sorpréndenos na súa relación coa historia e a literatura, máxico lugar no que soubo inspirarse o célebre poeta medieval galego-portugués Meendinho nunha das súas cantigas de amigo. A Guerra Civil Española tamén tivo como protagonista este lugar, centro monástico, leprosería e campo de exterminio durante a contenda bélica.

Ligazóns de Interese

TURGALICIA:www.turgalicia.com
CONCELLO DE VILABOA: www.vilaboa.org
TURISMO RIAS BAIXAS:www.riasbaixas.org

 

Logo de Terras de Pontevedra GaliciaLogo de la Xunta de Galicia 

Este sitio web utiliza cookies para garantizar que obteñas a meior experiencia de navegación.