Mancomunidade de Terras de Pontevedra

  • terras de pontevedra 0000 arte rupestre
  • terras de pontevedra 0004 combarro
  • terras de pontevedra 0003 pontevedra casco vello
  • terras de pontevedra 0006 Capa 1
  • Sabías que Terras de Pontevedra presenta unha das concentracións de arte rupestre máis importantes de Europa? Descobre a arte dos que hai 5.000 anos habitaban estas terras de Campolameiro, a ponte Caldelas. E tras os petroglifos probarás unha das mellores empanadas de Galicia.
  • Propoñémosche percorrer as empedradas rúas de Combarro, xantar na beira do mar e despois visitar en Poio un dos Mosteiros máis emblemáticos de Galicia.
  • Descobre porqué Pontevedra e "boa vila", cidade de pedra e pontes. Percorre os seus museos, as súa prazas, as súas igrexas, a súa historia. Goza dunha experiencia gastronómica única sen saír da cidade.
  • Das espectaculares praias de Marín ao impresionante Mosteiro de Poio. Podes ir de lado a lado da Ría visitando a casa natal de Colón e dar conta dun xantar típico galego.

LIC Serra do Cando

15 roteiro serra do cando

O Lugar de Interese Comunitario Serra do Cando ocupa unha superficie de 5.458 hectáreas, e abrangue nas Terras de Pontevedra o municipio de Cotobade.

Cunha altitude media de 712 metros, a Serra do Cando, de clima atlántico, constitúe unha zona de media montaña caracterizada pola súa peculiar vexetación. Combina superficies de mato e afloramentos rochosos nas partes máis altas con pequenas carballeiras e bosques de ribeiras, integrados fundamentalmente por freixos e bidueiros.

A espléndida paisaxe de serra convídanos á súa recreación nos excelentes miradoiros naturais tanto desde os altos das montañas, como sobre as terras prelitorais que adiantan o litoral das Rías Baixas.

En canto á fauna específica da Serra do Cando, entre outros, atópanse paxaros como a pica papuda, a pica dos prados ou a das árbores, ademais doutros animais como lagarteiros, pedreiros cincentos, papuxas montesas, saramagantas ou lagartos das silvas.

 

Logo de Terras de Pontevedra GaliciaLogo de la Xunta de Galicia 

Este sitio web utiliza cookies para garantizar que obteñas a meior experiencia de navegación.