Mancomunidade de Terras de Pontevedra

  • terras de pontevedra 0000 arte rupestre
  • terras de pontevedra 0004 combarro
  • terras de pontevedra 0003 pontevedra casco vello
  • terras de pontevedra 0006 Capa 1
  • Sabías que Terras de Pontevedra presenta unha das concentracións de arte rupestre máis importantes de Europa? Descobre a arte dos que hai 5.000 anos habitaban estas terras de Campolameiro, a ponte Caldelas. E tras os petroglifos probarás unha das mellores empanadas de Galicia.
  • Propoñémosche percorrer as empedradas rúas de Combarro, xantar na beira do mar e despois visitar en Poio un dos Mosteiros máis emblemáticos de Galicia.
  • Descobre porqué Pontevedra e "boa vila", cidade de pedra e pontes. Percorre os seus museos, as súa prazas, as súas igrexas, a súa historia. Goza dunha experiencia gastronómica única sen saír da cidade.
  • Das espectaculares praias de Marín ao impresionante Mosteiro de Poio. Podes ir de lado a lado da Ría visitando a casa natal de Colón e dar conta dun xantar típico galego.

Feira Franca

A Feira Franca de Pontevedra
O esplendor medieval de Pontevedra revívese na festa da Feira Franca, que ten lugar todos os anos na primeira fin de semana de setembro. Esta festividade ten a súa orixe no privilexio que o rei Henrique IV concedeu á cidade no ano 1467, cando autorizou a celebración dun mercado libre de impostos dun mes de duración, quince días antes e quince días despois do 24 de agosto, a festividade de San Bartolomeu.

A concesión da Feira Franca coincide cun período de puxanza económica da cidade, que se prolonga até as décadas finais do s. XVI. Naquel entón a pesca e o comercio eran os dous piares do desenvolvemento económico de Pontevedra, daquela a vila máis poboada de Galicia.

A manifestación artística máis sobranceira daquela etapa de esplendor é a Basílica de Santa María, que impulsada pola poderosa Confraría do Corpo Santo, construíuse ao longo do s. XVI.

Durante a fin de semana que dura a festividade, a cidade enteira engalánase con roupas medievais; rúas e persoas vístense do medievo para revivir a Pontevedra de 1467. O casco antigo da cidade -recentemente nomeado conxunto histórico-artístico- acolle a propios e estraños nas súas rúas empedradas, onde a enorme oferta de actividades (mostra dos oficios da época, degustación de alimentos medievais, espectáculos de xustas, música medieval, actuacións) é garantía para a diversión.

 

Logo de Terras de Pontevedra GaliciaLogo de la Xunta de Galicia 

Este sitio web utiliza cookies para garantizar que obteñas a meior experiencia de navegación.

Consola de depuración Joomla!

Sesión

Información do perfil

Uso de memoria

Consultas da base de datos