Situado entre os municipios de Vilaboa e Marín atópase o Lago de Castiñeiras, un magnífico paraxe para pasar un día en plena natureza. A súa orixe artificial (foi creado en 1950) non é escusa para o seu encanto, constituíndo un verdadeiro paraíso natural subliñábel pola riqueza da súa flora e fauna.
A súa flora caracterízase polo predominio do carballo americano, o loureiro e o piñeiro; mentres que en canto á fauna, abundan as aves, especialmente as palmípedas. A abundancia de troitas nas súas augas converte este emprazamento en punto de encontro de pescadores na tempada de pesca. Cabe subliñar a existencia dunha Aula de Natureza que organiza visitas de grupos.
