Non hai mellor lugar para contemplar o LIC Enseada de San Simón que o miradoiro de Cotorredondo. Situado no municipio de Vilaboa, a apenas dous quilómetros do Lago Castiñeiras, o visitante poderá contemplar conxuntamente, nunha estampa sen igual, a Illa de San Simón e as rías de Arousa, Vigo e Pontevedra.
O tamén denominado miradoiro de Tres Rías, agasallaranos coa abundante vexetación de toxos, carballos, eucaliptos, piñeiros e loureiros que se dispoñen no seu entorno, xunto á diversidade da súa fauna, entre a que se atopan cervos, gamos, corzos, parrulos e outras especies de aves.
