O Lugar de Interese Comunitario Serra do Cando ocupa unha superficie de 5.458 hectáreas, e abarca os concellos de Cerdedo, Cotobade, Forcarei, A Lama, Beariz. Dacabalo entre Cotobade e A Lama, atopase o Monte do Seixo, un dos enclaves paradigmáticos desta serra.
Cunha altitude media de 712 metros, a Serra do Cando, de clima atlántico, constitúe unha zona de media montaña caracterizada polo seu peculiar vegetación.
O Cando ten orientación N-S, con montes de media altura (600 a 1.000 m) de perfil redondeado, formados por granitos que aparecen en bolos e penedos de formas pintorescas, debido a erosión producida pola auga e o xeo . Está unida ao Candán polos montes da Costoia.
Nas súas vertentes nace o río Verdugo e afluentes do Lerez e combina superficies de mato e afloramentos rochosos nas partes máis altas con pequenas carballeiras e bosques de ribeiras, integrados fundamentalmente por freixos e bidueiras.
Os ecosistemas de maior valor son as turbeiras dos cumes, os bosques de ribeira e as carballeiras do río Verdugo e os seus afluentes.
Os cumes máis importantes son o Outeiro do Couto (1.017 metros) e Solombeiro (1.007 metros) ainda que o seu lugar de referencia e o Monte do Seixo, de 967 metros.
A espléndida paisaxe da serra invítanos á súa recreación nos excelentes miradoiros naturais, tanto desde o alto das montañas, como sobre as terras prelitorais que adiantan o litoral de Rías Baixas.
