Situado á entrada da Alameda fronte á Casa Consistorial de Pontevedra, o Monumento dos Heroes de Pontesampaio, construído en 1911, rememora a vitoria sobre as tropas francesas de Napoleón en 1808.
A obra consta de varias figuras de bronce situadas sobre un pedestal de granito que reconstrúen os últimos momentos da contenda. No conxunto, de oito metros de altura por catro metros de ancho, destaca unha figura feminina que invita á loita cun xesto exaltado, estendendo o brazo e a man dereita. No alto sobresae a figura de Pablo Morillo -que co sabre no alto incita á batalla- xunto a un labrego, un estudante e un soldado que loitan xunto a un compañeiro ferido.
