O viaxeiro que percorra o traxecto dende Pontevedra a Vigo a través de 550 non debe dubidar en parar no pequeno porto de San Adrián de Cobres, que alberga un espazo pintoresco coa súa moderna mariña, o seu paseo e a súa pequena igrexa.
A igrexa parroquial de San Adrián de Cobres é de planta rectangular con engadidos laterais da sancristía e unha capela, polo que semella que e de cruz latina. Parece ter as súas orixes no século XVI, con engadidos posteriores.
Ao seu carón están o porto, coas embarcacións mexiloeiras, e a mariña, co porto deportivo, moi frecuentado debido a proximidade coa cidade de Vigo. Discreto e tranquilo, o porto de San Adrián de Cobres, esta dotado de todas as instalacións para realizar amarres seguros e fiables, iso contribuíu ao seu éxito.
A mariña e o paseo activaron a vida deste coqueto paraxe, que alberga un par de restaurantes, un deles construído a xeito de palafito enriba do mar.
