Praia en forma de media cuncha, de area branca e fina. Contrastan, no seu ámbito semiurbano, a fachada de costa dominada por conxuntos residenciais e a compacta mancha forestal do lado esquerdo da praia.
Resgardada dos ventos, con augas tranquilas propicias para o baño. Magníficas vistas da mítica illa de Tambo, rochosa e repleta de vexetación. Do seu pasado como fortaleza e lazareto apenas quedan uns muros. Hoxe a illa pertence á xurisdición da Armada.
