Terras de Pontevedra é gastronomía
Un destino cunha tradición culinaria froito do amor polo mar e a terra e o legado das nosas xentes.
Grazas á nosa situación estratéxica en pleno corazón das Rías Baixas, somos un destino turístico privilexiado; no que gastronomía é sinónimo de calidade. Estamos entre as rías de Pontevedra e Vigo que nos abastecen de peixes e mariscos de primeira calidade e grazas ás nosas zonas de montaña tamén gozamos de carnes de primeira e do produto autóctono dos nosos campos e montes.
As receitas máis tradicionais da nosa gastronomía fóronse herdando de xeración en xeración, perdurando no tempo sen apenas modificacións. Son un legado que forma parte do noso patrimonio cultural, que aposta pola calidade da nosa despensa e que queremos compartir contigo en forma de “polbo á feira”, “lacón con grelos”, empanada ou cocido galego.
As nosas avoas xa practicaban o slow food. Na túa visita non deixes de achegarche a coñeceralgún dos Mercados de Abastos que salpican o noso territorio, como o Mercado de Pontevedra onde ademais de realizarse a tradicional actividade comercial, evolucionou no seu primeiro piso cara a un espazo gastro no que diferentes locais ofrécenche a posibilidade de probar desde pescada, polbo ou mexillóns preparados en todas as súas variantes, cervexas locais artesás, ata cócteles.
Terras de Pontevedra tamén é enoloxía, a recentemente estreada Indicación Xeográfica Protexida Ribeiras do Morrazo, nace coa intención de protexer os viños que se realizan no noso territorio, viños brancos e tintos de tinguiduras atlánticas. Coñece todos os segredos dos nosos viños visitando as adegas que forman parte de Ribeiras do Morrazo.
Somos Estrelas, dunha longa tradición culinaria nace unha xeración de profesionais que buscan nos seus pratos outra forma de expresar o seu amor polo produto das nosas terras. Restaurantes de recoñecido prestixio internacional e Estrella Michelín como Restaurante Solla ou Pepe Vieira onde o simple feito para comer transfórmase en momentos inesquecibles.
De festa en festa, non importa a época do ano en que nos visites, sempre atoparás eventos cheos de sabor, tradición e ganas de pasarllo ben!
