Situada na parroquia de San Miguel de Campo, a escasos metros da Ponte Cuitián , a Área recreativa de Lodeiro é un dos lugares máis fermosos do río Lérez. As súas ribeiras frondosas, acollen unha praia fluvial e son a testemuña da unión do río Lérez co seu afluente o río Meneses.
O feito de ser punto de partida dunha atractiva ruta (a ruta dos moliños do Río Meneses), o merendeiro provisto de mesas e parrillas, o coto de pesca e a praia fluvial, fan desta área recreativa un lugar ideal para o goce de todos os públicos.